गुल्मीको रुरुक्षेत्रमा नगद सहित गहना चोरी

गुल्मी: रुरुक्षेत्र गाउँपालिका-६, रिमुवामा नगद रु. १ लाख बढी तथा करिब ५ तोला सुनका गरगहना चोरी भएको छ। गत आइतबार वडा कार्यालयमा रहेको रु. ६५ हजार र सोही ठाउँ बस्ने विष्णु पौडेल समेत ७ जनाको घर तथा होटलबाट नगद १ लाख १६ हजार ८ सय रुपैयाँ तथा करिब ५ तोला बराबरको विभिन्न सुनका गरगहना चोरी भएको हो। चोरीमा संलग्न हाल फरार व्यक्तिको खोजी भइरहेको छ। घटनाका विषयमा थप अनुसन्धान गरिरहेको प्रहरीले जनाएको छ।