नेकपा (एमाले)का अध्यक्ष केपी शर्मा ओलीले आफू कहिल्यै पनि बिग्रिएको दाबी गरेका छन्।
बुधवारदेखि जारी एमालेको १०औँ केन्द्रीय कमिटी बैठकलाई सम्बोधन गर्दै ओलीले आफूलाई अझै सप्रिनुपर्छ भन्नेहरूलाई भनेका छन्, 'ओली अझै सप्रिएन’ भन्छन् । केपी ओली बिग्रिएको भए पो सप्रिनु । सप्रिनलाई देशभक्तिको दृष्टिकोण, देश विकास र राष्ट्रिय स्वाधीनताको मार्ग छोड्नुपर्ने हो भने, त्यो केपी ओलीले कहिल्यै छोड्दैन।'
उनले पार्टीभित्र छलफल नगरी बाहिर विरोधीको लहैलहैमा लागेर हल्ला फैलाउनेहरू नै सप्रिनुपर्ने बताएका छन्। साथै उनले वर्तमान सरकारलाई ‘अवैध’ भन्दै सुशीला कार्की नेतृत्वको सरकार आसन्न निर्वाचन गराउने दिशामा नरहेको आरोप लगाए।
'आजको अवस्था प्रतिगमनको स्थितिको रूपमा बुझ्नुपर्छ,'ओलीले भने, 'चुनाव हुनेवाला छैन, सरकारले त्यसको तयारी गरेको छैन। यो अवैध सरकार हो।'
ओलीले जेनजी आन्दोलनलाई हाइज्याक गरेर मुलुकलाई प्रतिगमनतर्फ लैजाने प्रयास भएको आरोप लगाउँदै उनले पूर्वप्रधानन्यायाधीशहरूमार्फत संसद् विघटनको योजनाबद्ध प्रयास भएको उल्लेख गर्दै संविधानको उल्लंघन भइरहेको जिकिर गरे।
'असंवैधानिक ढङ्गले संसद् विघटन गर्न पाइँदैन भन्नेहरू आफैँले संसद् विघटन गर्नुभयो । यसले देखाउँछ– यो योजनाबद्ध प्रतिगमन हो,' उनले भने ।