चीनको छोचेन खोला र पुरेपू त्साङ्पो नदीको संगम छेउमा बनेको ठूलो ताल फुटेको जानकारी आएको छ ।
रसुवाका प्रमुख जिल्ला अधिकारी नरेन्द्र परियारका अनुसार चिनियाँ पक्षले उक्त ताल फुटेको जानकारी गराएको हो । ताल फुटेपछि त्यसको प्रभाव भोटेकोशी नदीमा पर्न सक्ने भएकाले नदी आसपासका क्षेत्रमा पुनः बाढीको जोखिम बढेको छ ।
यसअघि सोही क्षेत्रमा ठूलो ताल बनेको र त्यसमा पानीको मात्रा बढिरहेको जानकारी सार्वजनिक भएको थियो । ताल फुटेको खबरसँगै रसुवा प्रशासनले नदी तटीय क्षेत्रमा थप सतर्कता अपनाउदै सुरक्षित स्थानमा बस्न आग्रह गरेको छ ।