काठमाडौँ । भोटेकोशीमा आएको बाढीका कारण अलपत्र परेका ११७ पर्यटकको उद्धार गरिएको छ।
नेपाल पर्यटन बोर्डका अनुसार उद्धार गरिएकामध्ये ८५ भारतीय, १६ चिनियाँ, नौ कोरियाली, दुई अमेरिकी र दुई इटालियन पर्यटक छन्। उद्धार गरिएका अन्य तीन जनाको भने पहिचान खुल्न सकेको छैन।
बाढीपछि अझै ६ सयभन्दा बढी पर्यटक सम्पर्कविहीन रहेको बोर्डले जनाएको छ। ट्रेकिङ तथा टुर कम्पनीहरूका अनुसार सम्पर्कविहीन हुनेमा कैलाश मानसरोवरतर्फ गएका धेरै पर्यटक छन्।