श्रम संस्कृति पार्टीका अध्यक्ष हर्क साम्पाङले आफ्नो कर्तव्य पूरा गर्न नसके मार्ग प्रशस्त गर्न प्रधानमन्त्रीलाई सुझाव दिएका छन् ।
बिहीबारको प्रतिनिधिसभा बैठकमा प्रधानमन्त्रीको उपस्थितिको माग गर्दै अध्यक्ष साम्पाङले संसद्प्रति जबाफदेही हुनुपर्ने प्रधानमन्त्रीको कर्तव्य भएकाले त्यसलाई पूरा गर्न नसके मार्ग प्रशस्त गर्न प्रधानमन्त्रीलाई सुझाव दिएका हुन् ।
उनले प्रतिनिधिसभा नियमावली १५ को उपनियम २ अनुसार प्रधानमन्त्रीले आफूहरूले उठाएको प्रश्नको जवाफ दिनुपर्ने बताए ।
सुकुम्वासी, शान्ति सुरक्षादेखि सीमा समस्याको विषयमा उठेका प्रश्नहरूको जवाफ प्रधानमन्त्रीले दिनुपर्ने उनको भनाइ छ ।
प्रधानमन्त्री सदनप्रति जबाफदेही हुनुपर्ने माग राख्दै श्रम संस्कृति पार्टीले सदनमा निरन्तर विरोध जनाउँदै आएको छ ।
