गुल्मी । गत महिना भिरबाट लडेर मेरुदण्ड गुमाएका एक जना युवाको उपचार्थ सहयोग अभियान सञ्चालन गरिएको छ । गुल्मीको मालिका गाउँपालिका–६ पुर्कोट दहका जनक नेपाली कंके देउरालीको भिरबाट लडेर मेरुदण्ड गुमाई भैरहवा मेडिकल कलेजमा भर्ना भएका छन् ।
उनको घरको आर्थिक अवस्था कम्जोर भएका कारण गाउँबासीले उनको उपचारका लागि सहयोग अभियान सञ्चालन गरेका हुन् । ‘जनक नेपाली बचाउन अभियान’ मार्फत घाईते नेपालीको जीवन रक्षार्थ सबैसँग सहयोगको अपिल गरिएको छ । नेपाली त्यस भेगका युवा समाजसेवी पनि हुन् ।
गम्भीर घाइते नेपालीले अस्पतालको शैयाबाट आफ्नो जीवन रक्षार्थ सबैसँग सहयोगको आग्रह गरेका छन् । उनलाई सहयोग गर्न चाहने महानुभवले सामाजिक सञ्चालमा जनक नेपाली बचाउ अभियान गुरुपमा म्याजेन्जरमा सम्पर्क राख्न सकिने छ ।
