सागर भण्डारी,गुल्मी । युवतीलाई जवरजस्तीकरणी गर्न खोजेको आरोपमा बाग्लुङको बडिगाड गाउँपालिकाका एक युवकलाई प्रहरीले पक्राउ गरेको छ ।
बडिगाड गाउँपालिका वडा नं ५ घर भई हाल गुल्मीको मुसिकोट नगरपालिका वडा नं ५ बस्दै आएका विकास आचार्यलाई जवरजस्तीकरणी गर्न खोजेको आरोपमा पक्राउ गरिएको जिल्ला प्रहरी कार्यालय गुल्मीले जनाएको छ ।
२१ बर्षिय युवतीलाई एक्कासी पछाडीबाट गई संवेदनशिल अंग छाती र हातमा समाई कपडा खोल्ने प्रयास गर्दै जवरजस्ती करणी गर्न खोजेको भन्ने जाहेरीको आधारमा उनलाई मजुवाबाट पक्राउ गरिएको हो ।
घटनामा संलग्न आचार्यलाई नियन्त्रणमा लिई आईतबार गुल्मी जिल्ला अदालतबाट दिन ५ को म्याद थप गरी घटनाको बारेमा थप अनुसन्धान भईरहेको प्रहरीले जनाएको छ ।
