काठमाण्डौ चैत्र २४ । कोरोना प्रकोपका समयमा जन्मिएकाले जुम्ल्याहा बच्चाको नाम कोरोना र कोभिड राखिएको छ । घटना भारतको छत्तिसगढ राज्यको हो, त्यहाँ मार्च २७ देखि लक डाउन रहेको छ ।
यही कोरोनाकै सक्रंमणको जोखिम भईरहेको अवस्थामा त्यहाँको राजधानी रायपुरको एउटा अस्पतालमा जुम्ल्याहा बच्चाको जन्म भएको छ, २७ वर्षिय आमा प्रिति शर्माले प्रेस ट्रस्ट अफ ईण्डियालाई बताएअनुसार आफ्ना सन्तानको यस विषम पस्थितीमा भएको जन्मलाई मातापिताले सदा संझन गर्न चाहन्थे, यसै कारणले बच्चाहरुको नाम नै कोरोना र कोभिड राखियो । कोरोना छोरी हुन् भने कोभिड छोरा हुन् ।
गत हप्ता सरकारी अस्पतालमा सफलतापूर्वक ति जुम्ल्याहा बच्चाहरुको जन्म भयो । आमा प्रिति शर्माका अनुसार अस्पताल कर्मचरीहरुले नै ती नाम राख्न सुझाव दिएका थिए । ल्याटिन भाषामा कोरोनाको अर्थ क्राउन अर्थात श्रीपेचसंग गएर जोडिन्छ ।
लाइभमाण्डुबाट
