गैरआवासीय नेपाली संघ (एनआरएनए) जापानको आगामी कार्यकालका लागि कोषाध्यक्ष पदमा कृष्ण पोखरेल (बाबु) ले उम्मेदवारी दिएका छन्।
पारदर्शिता र जवाफदेहिता आफ्नो मुल मन्त्र भएको बताउँदै पोखरेलले आर्थिक व्यवस्थापनलाई सजिलो, शुद्ध र प्रभावकारी बनाउने अठोट व्यक्त गरेका छन्।
उनले सबै वर्ग र क्षेत्रका नेपाली समुदायलाई समेट्ने समावेशी नेतृत्वको आवश्यकता औँल्याउँदै आफ्नो उम्मेदवारीलाई त्यसकै प्रतिनिधि भन्दै आएका छन्। पोखरेलले भने, “एनआरएनए जापानको आर्थिक प्रणालीलाई आधुनिक, व्यवस्थित र सबैको पहुँचमा हुने गरी अघि बढाउने मेरो लक्ष्य हो।”
एनआरएनए जापानमा निर्वाचनको सरगर्मी चुलिंदै गएको अवस्थामा पोखरेलको उम्मेदवारीले आर्थिक पारदर्शिता र समावेशी नेतृत्वबारे बहसलाई पुनः ताजा बनाएको छ।
